ಬಿಟ್ಟೆನೆಂದರೆ ಬಿಡದೀ ಮಾಯೆ!

ಬಿಟ್ಟೆನೆಂದರೆ ಬಿಡದೀ ಮಾಯೆ..ಬಿಟ್ಟೆನೆಂದರೆ ಬಿಡದೀ ಮಾಯೆ..

ಏನಣ್ಣ, ಈಗೀಗ ಸಂಗೀತ ಹಾಡಕೆ ಸುರು ಮಾಡಿದ್ದೀಯ? ಎಲ್ಲಿ ಕಲ್ತೆ?

ಎಲ್ಲೂ ಕಲ್ತಿಲ್ಲ ಕಣಣ್ಣ. ಮಾಜಿ ಮುಖ್ಯ ಮಂತ್ರಿಗಳ ಮನೆ ಕಡೀಕೋಗಿದ್ದೆ. ಇದ್ದಕ್ಕಿದ್ದಂತೆ ಈ  ಹಾಡು ಕೇಳಸ್ತು. ಅಂಗೆ ಕಿಟಕಿ ಅತ್ರ ಓಗಿ ನೋಡಿದೆ. ಒಂದು ಸಂಗೀತ ಕಚೇರಿ ನಡೀತಿತ್ತು. ಅದ ನೋಡಿ ಒಂದ್ ಮಟ್ಟ ನಾನೂ ಕಲ್ತು ಈ ಲೆವೆಲ್ಲಿಗೆ ಬಂದಿದ್ದೀನಿ.

ಯಾರಣ್ಣ ಅಲ್ಲಿ ಸಂಗೀತ ಕಚೇರಿ ನಡುಸ್ತಾ ಇದ್ದರು?

ನಮ್ ಯಡೂರಪ್ಪ ಅವ್ರು ಯಡಗೈಲಿ ಒಂದ್ ಕಿವಿಯ ಮುಚಕಂಡು ಬಲಗೈಯ ಮುಂದುಕೆ ಚಾಚಿ ಬಿಟ್ಟೇನೆಂದರೆ ಬಿಡದೀ ಮಾಯೆ, ಈ ಹಿರೇಮಠನ ಮಾಯೆ ಅಂತವ ಹಾಡ್ತಾ ಇದ್ರು.

ಪಾಪ ವಬ್ರೇ ಕೂತ್ಕಂಡು ಆ ರೀತಿ ಹಾಡ ಪರಿಸಿತಿ ಬಂತಲ್ಲ ಅವ್ರಿಗೆ, ಚೆ..

ಅವ್ರು ವಬ್ರೆ ಇಲ್ರಿಲ್ಲ ಕಣಣ್ಣ. ಅವ್ರು ಹಾಡ್ತಾ ಇದ್ರು. ವಬ್ಬ ಯಂಗ್ಸು ವೀಣೆ ನುಡುಸ್ತಾ ಇತ್ತು. ಆ ವಮ್ಮ ವಳ್ಳೆ ಹಲ್ಪುಡಿ ಅಡ್ವಟೇಜ್ ಕೊಡ ತರ ಇತ್ತಪ್ಪ.

ಇಬ್ರೆಯ ಇದ್ದರು?

ಸಲ್ಪ ಪೂರ ಏಳತಕ ಕೇಳಣ್ಣ. ಇನ್ವಬ್ಬ ತಬ್ಲ ಬಾರುಸ್ತಾ ಇದ್ದ. ಅವ್ನ ತಲೇಲಿ ಎಲ್ಲೋ ಅಲ್ಲೊಂದು ಇಲ್ಲೊಂದು ಕೂದ್ಲು ಇದ್ದೊ. ಯಾರೊ ದಾರವಾಡದ ಕಡೇನ್ ತರ ಕಾಣ್ತಿದ್ನಪ್ಪ. ನಾನೂ ಕೇಳತಕ ಕೇಳಿ ವಾಪಸ್ ಬಂದೆ. ಸಲ್ಪ ಒತ್ತಿಗೆ ಅದು ಮತ್ರೋಯ್ತು.

ಮತ್ತೆ ಚಂದಾಗಿ ಹಾಡ್ತಾ ಇದ್ದೀಯ. ಮತ್ರೋಯ್ತು ಅಂತ ಬ್ಯಾರೆ ಏಳ್ತಿಯ, ಇದ್ಯಂಗೆ?

ಅಮ್ಯಾಲೆ ಸದಾನಂದಗೌಡ್ರು ಮನೆ ಅತ್ರ ಬತ್ರಾ ಇದ್ದೆ. ಅಲ್ಲೂ ಅದೇ ಹಾಡು ಕೇಳ್ತಾ ಇತ್ತು. ಅಲ್ಲಿ ಓಗಿ ನೋಡಿದ್ರೆ ಅವ್ರೇ ಹಾಡ್ತಾ ಇದ್ರು. ಅದೂ ಇದೇ ಹಾಡು. ಸಲ್ಪ ಯತ್ವಾಸ ಅಷ್ಟೆಯ.

ಏನ್ ಯತ್ವಾಸ?

ಬಿಟ್ಟೇನೆಂದರೆ ಬಿಡದೀ ಮಾಯೆ ಅನ್ನತಕ ಒಂದೇ ತರ ಇತ್ತು. ಅಮ್ಯಾಲೆ ಅವ್ರು ಈ ಯಡೂರಪ್ಪನ ಮಾಯೆ ಅಂತ ಆಡ್ತಾ ಇದ್ರು.

ಅವ್ರಿಗೆ ಯಾರೂ ವೀಣೆ, ತಬ್ಲ ನುಡ್ಸರು ಸಿಕ್ಕಲಿಲ್ವೇನೊ ಪಾಪ!

ಇದ್ರು ಕಣಣ್ಣ. ವಬ್ಬ ಗುಂಗ್ರು ಕೂದ್ಲು. ಜುಬ್ಬ ಆಕ್ಯಂಡು ಹಣೆಗೆ ನಾಮ ಇಕ್ಯಂಡು ತಬ್ಲ ಬಡೀತಿದ್ದ. ಬಾಳ ಜೋರಾಗಿದ್ದ. ಅವ್ನು ತಲೆ ವಗ್ಯದೇನ್ ಕೇಳ್ತಿ. ಅಂಗೆಯ ಬಯಂಕರವಾಗಿತ್ತು ಕಣಣ್ಣ.

ಮತ್ತೆ ವೀಣೆ ನುಡ್ಸಕೆ ಯಾರೂ ಇಲ್ರಿಲ್ವೆ?

ವಬ್ಬ ವಯ್ಯ ನುಡುಸ್ತಾ ಇದ್ದ. ಅವ್ನ ತಲೇಲಿ ಕೂದ್ಲು ಇಲ್ರಿಲ್ಲ. ಆದ್ರುವೆ ಅಲ್ಲೊ ಇಲ್ಲೊ ಇದ್ದ ಕೂದ್ಲನ್ಯಲ್ಲಾ ಸೇಸ್ರಿ ತಲೆ ತುಂಬಾ ಬರಂಗೆ ಮಾಡಿಕಂಡಿದ್ನಪ್ಪ. ಹಲ್ಲುಬ್ಬು. ಕೋಲ್ಮುಕ. ಬ್ಯಳ್ಳಗೆ ಬ್ಯಳ್ಳೆಕಾರ್ರಿದ್ದಂಗಿದ್ದ.

ಸದಾನಂದಗೌಡ್ರು ದುಃಖದಲ್ಲಿ ಹಾಡ್ತಾ ಇದ್ರು ಅನುಸ್ತದೆ.

ಅವ್ರುದು ಮಾಮೂಲು ಗೊತ್ತಿಲ್ವೇನಣ್ಣ. ಸುಕದÀ ಹಾಡಾಗ್ಲಿ, ದುಃಕದÀ ಹಾಡಾಗ್ಲಿ ಅವ್ರು ಸಂತೋಸ್ವಾಗೇ ಆಡದು.

ಆಮ್ಯಾಲೆ ಇನ್ನೆಲ್ಲೂ ಓಗ್ಲಿಲ್ವೆ?

ದಾರೀಲಿ ಬತ್ತಾ ಇದ್ದೆ. ಹರನೇ ಸಿವಪ್ಪ ಕಾಯೋ ತಂದೆ, ಮೂರು ಲೋಕದ ಸ್ವಾಮಿ ದೇವ ಹಸುವೆಯನ್ನು ತಾಳಲಾರೆ, ಕಾಪಾಡಯ್ಯ, ಓಗ್ಲಿ ನೀರ ಕೊಡಯ್ಯ ಅಂತ ಹಾಡದು ಕೇಳುಸ್ತು. ಯಾರು ಏಳ್ತಾ ಇರದು ಅಂತ ನೋಡಿದ್ರೆ ತುಂಬಾ ಜನ. ಇಂತರು ಏಳ್ತಾ ಅವ್ರೆ ಅನ್ನದ ಕಂಡಿಡ್ಯಕೇ ಆಗ್ಲಿಲ್ಲ.

- ಈ.ಬಸವರಾಜು, ಮಲ್ಲೇನಹಳ್ಳಿ

ಕಾಯ್ರದಶ್ರಿ, ಕನ್ರಾಟಕ ಜಾÕನ ವಿಜಾÕನ ಸಮಿತಿ

ಈಮೇಲ್: ebasavraju@gmail.com

9448957666